Archives

[:sq]

Spitali Amerikan në Prishtinë, si lider i shëndetësisë në vend, kohë pas kohe ka dëshmuar që është gjithnjë i parë në ofrimin e shërbimeve shëndetësore, në këtë mënyrë duke ofruar komoditet dhe shërbim cilësorë pacientëve të vet.

Spitali Amerikan në Prishtinë ditën e sotme ka realizuar ekluzivisht për herë të parë në rajon, Rekonstruktimin e Valvules Aortale me metoden “David Operation”.

David Op është rekonstruktim i valvulës aortal asendente me metoden sipas David Operacion.

Në këtë operim bëhet zëvendësimi i aortës asendente dhe nuk bëhet ndërrimi i valvulë aortale, pra bëhet një konstruktim (riparim) i valvulës aortal me remplantacion të artierjeve koronare në protezë.

Përparsia e këtij operimi shumë specifikë – Procedura David Operavion është se pacienti nuk ka rrezikë për diseksion (çarje të aortës). Gjithashtu përparsi tjetër shumë e rëndësishme është se pacienti e ka artierjen e vetë dhe nuk i duhet asnjë medikament që shërben për t’hollimin e gjakut. Pacienti mund të vazhdoj jetën normalishtë, jetëgjatësija e tij është normale.

Operacioni me Procedurën David Op, është një ndër operacionet më të vështira të kirurgjisë së valvulës së zemrës. Operacioni David Op zgjatë mesatarishtë 5-6 orë.

Ky operimë (Procedura David OP), kryhet për herë të parë në Kosovë dhe rajonë dhe realizohet në Spitalin Amerikan. Ajo që vlen të theksohet është se ky llojë operacioni nuk realizohet në të gjitha klinikat kardiokirurgjikale, madje as në të gjitha klinikat kardiokirurgjike të Gjermanisë, pasi që është procedur kirurgjikale shumë e vështirë.

Operacioni – Rekonstruktim i Valvules Aortale me metoden “David Operation” është realizuar me suksesë, duke bërë kështu Kosovën, vendin e parë në rajonë në të cilin po realizohet ky operim shumë specifikë dhe njëkohësisht mjaftë i vështirë.

Në Spitalin Amerikan është realizuar për herë të parë në vendin tonë operacionin në zemër me metodën Off Pump. Metodë kjo, që do të thotë pa e ndaluar funksionin normal të zemrës, pa futjen e pacientit në aparatin (pompen) ekstrakorporale.

Spitali Amerikan, përveç këtij suksesi, për herë të pak në Kosovë, gjithashtu ka realizuar edhe ndërrimin e valvulës mitrale në zemër, ndërhyrje kjo kirurgjikale me një anestezion specifik i quajtur Anestezion Epidurialë, ku pacienti gjatë gjithë kohës është i vetëdijshëm dhe komunikon me doktorët. Ekipi profesionist i mjekëve kardiokirurgë Vaskular të Spitalit Amerikan, për herë të parë në Kosovë, gjithashtu kanë kryer operimin me metodën e zëvendësimit të valvulës aortale me protezat Freestyle.

Spitalit Amerikan në Prishtinë sjellë gjithmonë premierat e ndërhyrjeve kirurgjikale të shëndetësisë botërore në vendin tonë.

Spitali Amerikan është gjithnjë në shërbim të shëndetit të pacientëve të tij, duke sjellë kështu çdo herë fjalën e fundit shëndetësore botërore në Kosovë, në këtë mënyrë kontribon gjithnjë në cilësin dhe përkushtimin ndaj pacinetëve të huaj dhe vendor, të cilët në numër të madh i kanë besuar shëndetin e tyre pikërishtë Spitalit Amerikan, duke siguruar shëndetin e tyre cilësorë.

[:sq]I gjithë vendi është i mbërthyer nga i ftohti, reshjet e dëborës dhe temperaturat e ulëta, ndërsa rrugët janë bërë të rrezikshme për të qarkulluar për shkak të ngricave. Si rrjedhojë e motit të ftohtë dhe klimës dimërore, gjithnjë e më shumë në emergjencën e Spitalit Amerikan po shtohen rastet e pacientëve që kanë nevojë për përkujdesje dhe ndërhyrjen e specialistëve ortoped, për shkak të lëndimeve që marrin nga rrëzime apo aksidente të ndryshme.

“Për sa i përket klimës së ftohtë që po kalojmë, mund të them se këto tri apo katër ditët e fundit gjatë kohës së ftohtë dhe ngricave janë shtuar rastet e të lënduarve, kryesisht fëmijë dhe moshat rreth 60 vjeç, të cilët janë paraqitur me trauma të ndryshme. Kjo është një situatë pothuajse normale për kohën që po kalojmë, ndaj këshilla më e mirë është që të evitojmë lëvizjet e panevojshme për të zvogëluar edhe mundësitë për lëndime” – tha Dr. Florin Ramadani, Kirurg Ortoped në Spitalin Amerikan në Prishtinë. Në fakt, bora, lagështitë që sjellë stina e dimrit së bashku me ngrica, janë faktorët kryesor për trauma ortopedike gjatë sezonit të dimrit dhe është e rëndësishme që të jeni të vëmendshëm kur ecni apo edhe kur vozisni veturën.

Spitali Amerikan, për të gjithë pacientët jep këshilla se si mund t’i shmangin rrëzimet nga ngricat përmes disa teknikave. “Fillimisht është shumë e rëndësishme që këpucët tuaja të jenë prej gome. Mbajta e këpucëve me taka nga femrat shton rrezikun duke favorizuar rrëshqitjet. Mënyra se si ecim në një sipërfaqe me akull luan një rol të veçantë. Ajo që këshillohet është e thjeshtë, imitoni pinguinët. Pra hapi juaj të jetë sa gjerësia e legenit. Teknika e të ecurit prej pinguini kërkon që peshën e trupit tuaj ta përqendroni në këmbën që hidhni përpara. Ndodh që ju të rrëzoheni nëse pesha e trupit tuaj përqëndrohet, ashtu si rëndom kur ecim normalisht, në mes të këmbëve tona. Këshillohet po ashtu që trupi të jetë i lirë, pa pesha”, shton më tej Dr. Florin Ramadani.

Trauma ortopedike është një degë e kirurgjisë ortopedike e specializuar në problemet që lidhen me eshtrat, nyjet, dhe indet e buta siç janë muskujt, ligamentet etj. Qëllimi kryesor i kësaj zone të specializuar në ortopedi është shërimi i kockave, si dhe rivendosjen e shtrirjes anatomike të sipërfaqeve të përbashkëta për të lejuar shërimin dhe rikthimin funksion të pjesës së dëmtuar të trupit. Mjekët ortopedë të Spitalit Amerikan në Prishtinë, kanë një përvojë shumë të gjatë në rindërtimin e thyerjeve dhe shumë ndërhyrjeve të tjera ortopedike si dhe përdorin teknikat më të avancuara në kirurgji, përfshirë kirurgjinë minimalisht invazive dhe fiksimit të përparuar të jashtëm.

Kurse, disa nga shërbimet e shumta që ofrohën në Spitalin Amerikan, në Repartin e Ortopedisë janë:

1. Diagnostifikim, trajtim dhe ndjekje e sëmundjeve të lidhura me sistemin muskuloskelektik.

2. Traumatologjia, sëmundjet muskuloskeletale që vijnë si pasojë e aksidenteve, rrëzimeve të ndryshme.

3. Arthroplastika, vendosja e protezave në gjunjë, kuke, shpatull etj.

4. Kirurgjia Arthroskopike, realizimi i operacioneve të mbyllura në sëmundjet e kyceve.

5. Kirurgjia e dorës, operacione mikrokirurgjikale duke përfshirë edhe riimplantimin e pjesëve totalisht të shkëputura.

6. Kirurgjia e shtyllës kurrizore.

7. Kirurgjia e fëmijëve duke përfshirë edhe sëmundjet e lindura të sistemit muskuloskeletik.

8. Mjekësia sportive, problemet e shfaqura si pasojë e aktiviteteve të ndryshme sportive. Në Spitalin Amerikan ju do të gjeni të gjithë përkujdesjen e duhur dhe ndërhyrjen e menjëhershme 24 orë/7 ditë në javë. Spitali Amerikan, përqafoje jetën!

[:sq]Kirurgjia e përgjithshme është një ndër departamentet më të rëndësishme të Spitalit Amerikan Prishtinë. Ekipi i këtij departamenti përbëhet nga: Assoc. Prof. Dr. Ugur Gozalan- shefi i departamentit , Dr. Sabri Tmava Mr.sci dhe Dr. Ilir Fazliu Mr.sci.

Të gjitha operacionet realizohen me aparatura dhe teknologji të fundit, në salla operative me kushte moderne. Operacionet laparaskopike realizohen me teknologjinë më të fundit, me aparaturë laparaskopike HD (high definition) dhe pamjet filmike gjithmonë regjistrohen. Si në operacionet klasike , ashtu edhe në ato laparaskopike përdoren “high energy surgical devices”, të cilat e shkurtojnë shumë kohën e operacionit. Stapleret që përdoren në operacione të caktuara, përdoren nga firma të njohura botërisht të shëndetësisë (Auto-suture dhe Eticon). Gjithashtu, edhe suturat dhe materialet prostetike përdoren vetëm nga firmat e njohura dhe të miratuara botërisht për këto produkte.

Në Departamentin e Kirurgjisë së përgjithshme në Spitalin Amerikan Prishtinë, përveç transplantimit si pasojë e mungesës së hapësirës ligjore, realizohën të gjitha operacionet e mëdha dhe specifike që realizohen në shtetet e zhvilluara dhe në qëndrat e mëdha kudo në botë.

Departamenti i Kirurgjisë së Përgjithshme në Spitalin Amerikan Prishtinë është qendra private më e rëndësishme në Kosovë për Kirurgjinë Onkologjike dhe Kirugjinë Laparaskopike e cila ofron shërbim me sistemin 24h/7 ( 24 orë / 7 ditë në javë )

HERNIA HIATALE-SËMUNDJA E REFLUKSIT GASTROEZOFAGIAL

Kirurgjia shumë rrallë është e nëvojshme për hernine hiatale. Por për sëmundjen e refluksit gastroezofagial në disa raste kirurgjia është e nëvojshme.Në ditët e sotme në operacionet që bëhen për sëmundjen e refluksit gastroezofagial Laparaskopia është standarti i artë.

Për herë të parë në Kosovë dhe Shqipëri, kirurgjia anti-refluks është realizuar në Spitalin Amerikan.

“Në spitalin tonë të gjitha kirurgjitë për sëmundjen e refluksit gastroezofagial janë realizuar në mënyrë laparaskopike. Spitali Amerikan është qendra unike ku mund të kryhet kirurgjia laparaskopike anti-reflekus”- thotë Dr. Ugur Gozalan, kirurg në Spitalin Amerikan Prishtinë.

Kirurgjia gjithashtu zë një vend të rëndësishem në trajtimin e kancerit të lukthit. Në Spitalin Amerikan Prishtinë, për trajtimin e kancerit të lukthit zbatohen protokollet e Amerikës dhe Europës. Për çdo pacient para operacionit bëhet staging radiologjik dhe vetëm pacientët me potencial kurimi operohën. Për pacientët me sëmundje lokalisht të avancuar, sipas vendimit të konziliumit onkologjik, fillimisht jepet kemoterapi neoadjuvante dhe më pas kirurgji. Spitali Amerikan ka eksperiencë të rëndësishme në trajtimin e kancerit të lukthit.

“Për trajtim kirurgjikal të kancerit të lukthit nëvojitet një qasje sipas kirurgjisë onkologjike. Tek të gjithë pacientët me potencial kurimi realizohet D2 Diseksion i nyjeve linfatike”, sqaron më tej Dr. Gozalan.

KANCERI I KOLONIT DHE REKTUMIT

Në kancerin e kolonit dhe rektumit suksesi i kirurgjisë është një ndër elementet që përcakton jetëgjatësinë dhe mundësinë e pacientit për të shpëtuar nga sëmundja. Të gjitha rastet me kancer të rektumit diskutohen në konziliumin onkologjik dhe pacientet me kancer lokalisht të avancuar trajtohen fillimisht me kemoterapi neoadjuvante dhe me pas operohen. Ekipi i Repartit të Kirurgjisë së Përgjithshme të Spitalit Amerikan ka një eksperiencë shumë të mirë në kirurgjinë e kolonit dhe rektumit.

Spitali Amerikan është e vetmja qendër private shëndetësore ku kryhet kirurgjia Laparaskopike e kancerit të Kolonit dhe Rektumit në Kosovë. Të gjitha rastet e kancerit të kolonit dhe rektumit operohen sipas standarteve botërore.

KIRURGJIA BARIATRIKE (KIRURGJIA E OBEZITETIT)

Në ditët e sotme në kirurgjinë bariatrike standarti i artë është kirurgjia laparaskopike. Spitali Amerikan është e vetmja qendër spitalore ku mund të bëhet Kirurgjia Bariatrike Laparaskopike. Nuk aplikohet gastric band. Aplikohet operacioni Sleeve Gastrektomi për zvogëlimin e lukthit. Suksesi në Kirurgjinë Bariatrike Laparaskopike në Spitalin Amerikan është 100 %.

SËMUNDJET E GJIRIT

Në Spitalin Amerikan sëmundjet e gjirit trajtohen në departamentin e kirurgjisë së përgjithshme. Trajtimi kirurgjikal i kancerit të gjirit bëhet sipas principeve onkologjike. Vendimi për mastektomi radikale apo mastektomi parciale bëhet sipas vendimit të konziliumit onkologjik.

KIRURGJIA E TIROIDES

• Kanceri i tiroides
• Sëmundjet benigne të tiroides që kanë nëvojë të trajtohen me kirurgji (sipas rekomandimit të endokrinologut)
• Kirurgjia e cistës tiroglosale

Në Spitalin Amerikan Prishtinë, ashtu sikurse në të gjitha shtetet e zhvilluara, kirurgjia e tiroides dhe e sëmundjeve benigne të tiroides që kanë nëvojë për trajtim kirurgjik realizohen në departamentin e Kirurgjisë së Përgjithshme.

Assoc. Prof. Dr. Ugur Gozalan deri më sot ka realizuar një seri prej 2000 rastesh të tiroidektomisë dhe ka një eksperiencë të rëndësishme në këtë fushë.

“Në klinikën tonë, përveç rasteve specifike siç janë p.sh. Nodular Guater, tek të gjithë pacientët realizohet Tiroidektomi Totale. Nuk preferohet Tiroidektomi Subtotale. Komplikiacionet më të frikshme të tiroidektomisë janë dëmtimi i nervit (prerja e kordave vokale) dhe krijimi i vartësisë përgjatë gjithë jetës ndaj kalciumit (hipo-paratiroidizmi), ndërsa në klinikën tonë përqindja e këtyre komplikacioneve është 0%” , shton me tej Dr. Ugur Gozalan.

Në operacionet e tiroidektomisë është e rëndësishme edhe ana estetike, prandaj ashtu sikur se në të gjitha qendrat e mëdha ku kryhet kirurgjia endokrinologjike. Në Spitalin Amerikanë në Prishtinë, operacioni i Tiroidektomisë realizohet me mini-incizion (prerje e vogël).

KIRURGJIA E PARATIROIDES

• Hiperparatiroidizmi primar (Adenoma e paratiroides)
• Hiperparatiroidizmi
  3 ½ paratiroidektomi
  Paratiroidektomi totale+ auto transplantim
• Kanceri i paratiroides

Spitali Amerikan është e vetmja qendër private shëndetësore në Kosovë ku mund të realizohet Kirurgjia e Paratiroides.

DISEKSIONET E QAFËS

Në Spitalin Amerikan në Prishtinë diseksionet e qafës bëhen vetëm për kancerin metastatik të tiroides. Në këto raste realizohet diseksioni radikal i modifikuar ose diseksioni funksional i qafës.

GJENDRRA MBIVESHKORE

Tumoret e gjendrrës mbiveshkore në Spitalin Amerikan operohën sipas mendimit konziliar të departamenteve kirurgji e përgjithshme, urologji, endokrinologji dhe onkologji. Spitali Amerikan është qendra e vetme në Kosovë ku realizohet Kirurgjia Laparaskopike e Gjendrres Mbiveshkore.

KANCERI I EZOFAGUT

Sëmundjet e ezofagut (tubit të ushqimit) ndahën në dy grupe: kanceri i ezofagut dhe sëmundjet benigne të ezofagut. Spitali Amerikan është e vetmja qendër private në Kosovë ku realizohet Kirurgjia e Kancerit të Ezofagut. Trajtimi kirurgjik i kancerit të ezofagut në klinikën tonë realizohet trans-hyatal (metoda Orringer) ose me torakotomi (Ivor-Leëis).

ACHALASI

Achalasia është një sëmundje të cilës nuk i dihet saktësishtë shkaku. Në këtë sëmundje gjatë gelltitjës sfinkteri i poshtëm i ezofagut nuk arrin të relaksohet plotësisht. Pacientët kanë vështirësi në gëlltitje të ushqimeve dhe pijeve. Trajtimi është mjaft i suksesshëm. Zgjedhja e parë terapeutike për achalasian është dilatimi endoskopik me ballon. Vetëm në rastet kur nuk mund të realizohet dilatimi endoskopik ose kur kjo procedure nuk ka sukses, atëherë rekomandohet kirurgji. Suksesi i trajtimit kirurgjikal është 95-100%.

Spitali Amerikan Prishtinë është qendra unike në Kosovë dhe Ballkan ku mund të realizohet Kirurgjia Laparaskopike e Achalasias.

TRIKTURA/STENOZA BENIGNE E EZOFAGUT

Trajtimi i strikturave ezofagiale (ngushtimi i tubit të ushqimit,bllokimi i plotë) për shkak të pirjes gabimisht apo me qëllim të lëngjeve korozive është mjaft i vështirë. Zakonisht këta pacientë detyrohen që gjatë gjithë jetës të ushqehen nëpërmjet tubit që iu vendoset në stomak.

Ekziston një seri operacionesh të vështira që mund t’iu mundësojë këtyre pacientëve të ushqehen përseri nga goja. Në këto ndërhyrje mundësohet krijimi i një tubi të ri të ushqimit nëpermjet zorrës së pacientit dhe kështu mundësohet ushqyerja e tij normale nëpermjet gojës. Spitali Amerikan është qendra unike ku mund të realizohet ky operacion.

SISTEMI BILAR / ERCP (KOLANGIOGRAFIA ENDOSKOPIKE RETROGRADE)

Në spitalin Amerikan të gjitha kolecistektomitë bëhen në mënyrë laparaskopike. Spitali Amerikan është qendra e vetme në Kosovë ku mund të bëhet rezeksioni i melçisë dhe Ëhipple, gjithashtu është qendra e vetme private ku performohet ERCP.

ERCP është procedure endoskopike-kirurgjikale, diagnostike dhe terapeutike me anë të së cilës arrihet vizualiteti i rrugëve bilare dhe pankreatite, giagnoza e saktë dhe trajtimi endoskopik i sëmundjeve bilare dhe pankreatite.

Dr.Sabri Tmava nga viti 2012 ka aplikuar procedurën ERCP në Spitalin Amerikan Prishtinë dhe Tiranë.

“Kolangiografia endoskopike retrograde është procedure shumë e dobishme dhe e pazëvendësueshme që aplikohet në diagnostifikimin dhe trajtimin e gjendjeve të ndryshme patologjike të rrugëve bilare dhe pankreatike. Bashkë me kolecistektominëlaparaskopike paraqesin procedurat endokirurgjike plotësuese me njera tjetrën, standarte të arta në trajtimin e kalkulozës së kolecistës dhe koledokolitiazës”- sqaron më tej Dr.Sabri Tmava.[:]

[:sq]

Spitali Amerikan në Prishtinë, si qendra më e madhe shëndetësore në vend, me rastin e festës së vitit të ri, ka uruar fëmijët e shtrirë në Repartin e Pediatrisë së QKUK-së, me shumë dhurata të shpërnadra për ta.

Fëmijët së bashku me prindërit të cilët ishin në këtë repart, Spitali Amerikan ua ka gëzuar zemrat e tyre me dhuratat të cilat në mënyrë simbolike përfaqësonin dashurinë dhe përkujdesin që ka Spitali Amerikan ndaj sëcilit pacient, e në veçanti, ndaj pacientëve fëmijë.

Spitali Amerikan, si çdo vit me radhë edhe kësaj herë ka ndar urimet dhe përgëzimet për një vit të ri sa më të mbarë e mbi të gjitha, sa më të shëndetshëm për të gjithë.

Me këtë rast, Drejtori ekzekutiv i Spitalit Amerikan, Novrus Caushaj tha se tashmë është bërë traditë që Spitali Amerikan në çdo fundvit të gjendet pranë njerëzve në nevojë:

-“Këtë radhë zgjodhëm QKUK-në, pra klinikën e Pediatrisë për të qenë pranë fëmijëve të sëmurë në këtë fundit, me disa dhurata simbolike. Qëllimi është që edhe ne të shprehim solidaritetin tonë me sëmundjen e atyre”, tha Caushaj

Ai shprehu dëshirën dhe impenjimin e tyre që këta fëmijë të shërohen sa më shpejtë sepse ata, sipas tij, janë fidanishtja e Kosovës dhe janë e ardhmja e një kombi siç është kombi shqiptar.

“Prandaj urojë edhe njëherë, gëzuar vitin e ri , të shkuara gjithë fëmijëve jo vetëm të Kosovës por gjithë Shqipërisë “, përfundoi Caushaj

Spitali Amerikan në Prishtinë i uron të gjithëve Vitin e Ri 2016, me shpresën që viti që vjen të sjellë sa më shumë lumturi dhe shëndet për gjithë shqipëtarët!

[:sq]Pacienti F.M 29 vjeçar nga Peja, i shpëton vdekjës së sigurtë falë një terapie shumë specifike e rekomanduar dhe aplikuar nga mjekët e Spitalit Amerikan në Prishtinë. Pacienti në fjalë ishte diagnostikuar me sëmundjen Tromboemboli Pulmonare, mbyllja e arterieve pulmonale (mushkërive).

Kirurgu vaskular Dr.Valbon Gashi, për gjendjen në të cilën ishte pranuar pacienti thotë se ka qënë tejet e vështirë dhe pothuajse e pamundur që t’i shpëtojë vdekjës.

Familjarët e pacientit e kishin kuptuar seriozitetin e gjendjës tepër të rëndë dhe ranë dakort që të bëhet gjithçka që është e mundur në mënyrë që të shpëtohet jeta e pacientit.

Pas konsultave në mënyrë konziliare me stafin mjekësor, Dr. Valboni vendosi që të aplikojë një terapi Plazminogen Aktivator për zbërthimin e trombeve të cilat ja kishin kapluar mushkëritë. Por, ajo terapi, po ashtu është e rrezikshme për shkak të provokimit të gjakëderdhjes.

Kjo terapi është përdorur për herë të parë në rajon në Spitalin Amerikan Prishtinë me sukses të plotë. Pacienti tashmë është në gjendje të përgjithshme shëndetësore shumë të mirë, ai ka lënë spitalin pas shtatë ditë qëndrimi dhe vazhdon të jetojë një jetë normale.

Por çfarë është Embolia Pulmonare ?

Embolia pulmonare është mbyllje e menjëhershme, e plotë apo e pjesëshme e arterieve pulmonale (mushkërive) e shkaktuar më së shpeshti nga koagulumi (mpiksja) e gjakut. Ka raste kur mbylljen e artierieve e bëjnë edhe ajri, yndyrnat e liruara nga kockat mbas lëndimeve si dhe trombet e infektuara.

Në raste të shpeshta nëse koagulumi është i madh, ai e ndërpret rrjedhën e gjakut në mushkëri dhe mund të jetë fatal,vdekjeprurës dhe trajtmi i menjëhershëm i tij është shpëtimtarë për pacientin. Në gati 80% të rasteve, koagulimet janë të vogla dhe mbyllja e arterieve dhe degëve të saj është më e vogël,mirëpo nëse nuk trajtohet në kohën e duhur atëherë koagulumet do të rriten dhe përfundimi është fatal.

Rreth 70% e rasteve të embolive pulmonare prejardhjen e kanë prej trombozave të venave të thella të ekstremiteteve të poshtme.

Nëse shërimi nuk ka qenë i mjaftueshëm për shkaqe të ndryshme atëherë gjasat e rikthimit të embolisë në vitin e parë janë11%, mbas vitit të tretë 20%,mbas pesë viteve 29% dhe 40% mbas dhjetë viteve. Për këtë arsye trajtimi i menjëhershëm dhe adekuat është shumë i rëndësishem për të ardhmën e pacientit.

Cilët janë faktorët e rrezikut?

Faktorët e rrezikut janë të lidhur me faktorët që shkaktojnë trombozat e venave të thella si:

• Historia familjare positive, që do të thotë se në familje dikush ka pasur probleme me mpiksjen apo koagulimin e gjakut.
• Inaktiviteti i gjatë mbas kirurgjive të ndryshme, pra mos lëvizja nga shtrati ose ndonjë sëmundje e rëndë që je i lidhur për shtrati.
• Udhëtimet ajrore dhe udhetimet e tjera me orë të zgjatura.
• Disa sëmundje siç janë: kanceri, pamjaftushmëria e zemrës, insulti cerebrovascular(pika në tru) si dhe infeksionet e rënda.
• Venat Varikoze të ekstremiteteve të poshtme
• Shtatëzania dhe lindjet, veçanërisht prerjet Cezariane
• Kontraceptivët oral
• Gjendja postmenopauzale, terapia zëvendësuese hormonale
• Obeziteti,sindroma metabolike
• Duhani

Simptomat:

• Bllokim frymëmarje, dhimbje e fortë therrëse në kraharor e papritur e përkeqësuar mbas frymëmarjes së thellë apo kollitjes
• Djerësitja dhe frika
• Kollitje me gjak
• Të rrahurat e shpeshta të zemrës
• Shoku

Vlenë të theksohet se shumica e simptomave nuk lajmërohen dhe për këtë arsye është shumë vështirë të diagnostifikohet (zbulohet) me kohë.

Nuk duhet nënçmuar sëmundja, pasi që është më e shpeshtë se që përmendet ne literaturë. Përvoja dhe diagnostika e mirëfilltë moderne mund ta zbulojë shumë herët këtë sëmundje tinzare.

Trajtimi:

Trajtimi i embolisë pulmonare fillohet me terapi antikoagulante dhe përqëndrohet në ndërprerjen e formimit të koagulimeve (trombeve) të mëdha dhe izolimin e trombeve që janë formuar më herët.

Trajtimi po ashtu varet edhe nga simptomatika e sëmundjes. Nëse ajo është me simptome të rënda atëhere trajtimi është më agresive, me substancat trombolitike(fibrinolitike) të cilat e zbërthejnë trombin në njerën anë por në anën tjetër janë të rrezikshëm dhe mund të shkaktojnë gjakëderdhje.

Po ashtu mund të intervenohet në mënyrë kirurgjike në formë të embolektomis respektivisht heqja e trombit në arteriet pulmonale.

Ka edhe disa raste kur pacienti ka ndjeshmëri apo alergji ndaj terapisë antikoagulante dhe trombolitikëve. Kjo ndodh nëse trombi (koagulumi) e ka prejardhjen nga venat e thella të ekstremiteteve të poshtme(këmbëve), atëherë vendoset KAVA filteri i cili i ndalë trombet të cilat shkëputën dhe rrjedhin nga zemra dhe mushkritë. Kohëve të fundit, në botën perendimore përdoren aparatura speciale të cilat e kanë aftësinë ta zbërthejnë trombin dhe ta tërheqin në formë të thithëse.

Spitali Amerikan çdo ditë është duke dëshmuar përkushtimin maksimal të tij për pacientët dhe shëndetin e tyre, në këtë mënyrë vulos edhe njëherë rrugën drejt qëllimit, duke e bërë kështu institucionin më të besuar dhe serioz në fushën e mjekësisë me ekspertë të certifikuar Evropianë dhe vendas në një sistem amerikan të punës. Pajisur me teknologji mjekësore diagnostike dhe terapeutike moderne, laborator biokimik dhe mikrobiologjik modern, diagnostikim dhe trajtim multidisiplinar që siguron shpejtësi dhe saktësi.

Me 18 Nëntor,përkundër protestave dhe “dhunës“ që kishin pushtuar kryeqytetin, Spitali Amerikan mblodhi afër vetës mbi 200 mjekë nga pothuajse të gjitha vendet e Kosovës, për të ndarë së bashku kënaqësinë dhe, njëkohësisht për të treguar seriozitetin dhe përgjegjësinë e madhe që ka ky spital ndaj pacientëve vendas dhe të huaj në Kosovë.

Dr. Novrus Caushaj, Drejtor Ekzekutiv në Spitalin Amerikan Prishtinë me lokacion të ri pranë QKUK-së, mbajti fjalën e hapjes duke theksuar edhe një herë seriozitetin dhe qëllimet e qarta që ka Spitali Amerikanë për shëndetësinë në vend:

“Organizojmë këtë takim të sotëm si shenjë rrespekti dhe të ngritjes së një bashkëpunimi, për të qenë shumë afër njëri – tjetrit si kolegë dhe mbi të gjitha për të prezentuar disa nga arritjet dhe sukseset e Spitalit Amerikan të Kosovës, të këtij investimi të ri mbi 20 milion euro, i cili është prezentë në Republikën e Kosovës si një shtysë, si një nxitje, si një stimulim i gjithë forcave mendore shëndetësore, për ti dhënë një shtysë akoma më të madhe shëndetësisë shqiptare në përgjithësi dhe mjekësisë vendore në vecanti“- deklaroi Dr. Caushaj.

Dr. Caushaj më tej në mesin e shumë mjekëve tha se prania e Spitalit Amerikan mbyllë trekendëshin e famshëm pacientë, mjekë dhe institucion.

Spitali Amrikan për nga ndërtimi dhe shërbimet që ofron është model, teknologjia është tejet e përparuar dhe natyrisht për nga elementet përbërëse dhe stafi ky spital është gjithnjë i pari.

Gjithashtu edhe Prof. Dr. Ugur Gozalan, shef i Kirurgjisë së Përgjithshme dhe Onkologjike, para të pranishmëve në ceremoninë festive rikujtojë sukseset e shumta të Spitalit Amerikan. Prof. Ugur gjithashtu theksojë se në këtë spital për herë të janë kryer me sukses shumë operacione të cilat akoma edhe tani nuk kryhen në klinika të ndryshme të shteteve Ballkanike.

Për të prezantuar një pjesë të punës së ortopedisë në Spitalin Amerikan, ishte prezent edhe Dr. Florin Ramadani. Me stafin dhe kolegët e tij, në Spitalin Amerikan janë kryer operacione për herë të parë në regjion duke filluar nga osteoprotezat e çdo regjioni posaçerishtë të kërdhokullës dhe gjurit. Vazhduar nga të gjitha intervenimet artroskopike jo vetëm të gjurit por edhe të shputës, transplantimin mikrovaskular, rekonstruksion muskulo-lëkuror me anastomozë të kryera këto si premierë në Spitalin Amerikan falë pajisjeve dhe stafit profesionistë të mjekëve ortoped. Dr. Florini tha se nuk do të ndalet vetëm më këto

intervenime.Ideja e ekipit të Spitalit Amerikan është që në bashkëpunim me mjekët Onkologë të ofrojë trajtim edhe për rastet e Ortopedisë-Onkologjike, që çdo pacient të ketë mundësi operimi pavarësishtë se çfarë regjioni ka të lënduar ai do të mund të operohet në Spitalin Amerikan pa qenë nevoja për tu drejtuar në klinika jashtë Kosovës.

Pacientët tashmë nuk kanë nëvojë që të marrin rrugët e Evropës apo të rajonit për të gjetur shërim pasi që kjo tashmë është e mundur në Spitalin Amerikan. Për herë të parë në Kosovë kardiokirurgjia ka kryer operacione në zemër me anestezi spinale, ku pacienti është zgjuar dhe i vetëdijshëm për ndërhyrjen që po kryen. Jo çdo qendër kardiokirurgjie evropiane do të mund të realizonte këtë, e kjo tashmë veçse realizohet në kardiokirurgjinë e Spitalit Amerikan Prishtinë falë përvojës dhe profesionalizmit edhe të mjekëve tanë Anestezistë.

Dr. Goksu Goc, gjinekolog obstetër i shquar nga Izmiri, i cili tashmë është në shërbim të pacientëve në Spitalin Amerikan falenderojë shumë ekipin e tij për punën e rëndësishme dhe të pa lodhshme të Gjinekologjisë. Për tri vite që jam këtu kemi bërë punë të mrekullushme dhe të pa lodhshme dhe gjithnjë në sherbim të pacientëve. Në repartin e gjinekologjisë në Spitalin Amerikan janë kryer mbi 90 % e ndërhyrjeve kirurgjikale me laparaskopi të cilat janë kryer me shumë sukses.

Mjekët të cilët ishin të pranishëm, e që ishin nga të gjitha qytetet e Kosovës, ivestimin më të ri “Spitali Amerikan Prishtinë”, e cilësuan si një hapë të rëndësishëm drejtë zhvillimit dhe përparimit të shëndëtësisë në vendin tonë. Në këtë mënyrë duke e cilësuar Spitalin Amerikan si një derë shprese dhe besimi për të gjithë pacientët që kanë nevojë për cilin do nga trajtimet mjekësore.

Spitali Amerikan, pjesë e American Hospital Assosiacion dhe investim mazhoritar i Fondit Amerikan Bedminster Capital Management, pjesë e fondeve të OPIC, operon suksesshëm prej nëntë vitesh në Shqipëri dhe prej tri vitesh në Kosovë, duke pasur gjithmonë në rend të parë shëndetin e pacientëve. Numri i madh i tyre, besimi dhe shpresa që është krijuar ndër ta, flet për reputacionin e krijuar në nëntë vite punë të ekipit të palodhur. Flet edhe për pritshmërinë dhe përgjegjësinë e lartë para së cilës gjendemi çdo ditë për të justifikuar besimin e atyre që na kanë zgjedhur.

[:sq]Pas një aksidenti të rëndë para shtatë vitesh, 18 vjeçarja Z.H nga Presheva me banim në Fushë Kosovë, pësoi lëndime të rënda dhe traumë familjare ku humbi nënën dhe babain, ndërsa vëllai i saj kishte lëndime të rënda trupore. Nga kjo kohë mbeti nën kujdesin e axhallarëve dhe familjarëve të tjerë dhe si pasojë e aksidentit nuk kishte një jetë dhe ecje normale.

Z.H nën kujdesin e ekipit profesionist të ortopedëve udhëhequr nga Dr.Florin Ramadani, në bashkëpunim me Kirurgun Plasitk çek Dr. Tomas Kempny dhe ekipin e anestezistëve, iu nënshtrua operacionit që zgjati 5 orë në Spitalin Amerikan në Prishtinë. Në fakt kjo është pacientja e parë në Kosovë që i nënshtrohet një operacioni të tillë, transplantimin mikrovaskular me indet e buta i cili është i lidhur me anastomozë direkt vaskulare.

Kirurgu plastikë dhe rekrostruktiv, Tomas Kempny, u shpreh i bindur se vajza 18 vjeçare do të ecë si më parë.

Dr. Kempny: Zgjidhja përfundimtare, pacientja do të ecë normalisht:

“Për rastin në fjalë kemi të bëjmë me mungesë të indeve të buta, zona ku është trajtuar pacientja më herët është e mbuluar vetëm me një lëkurë të hollë e cila është ngjitur në kockë dhe kjo është jo konforme dhe nga aspekti i lëvizjes shkakton dhimbje. Merret një pjesë e indeve të buta më të trasha, me muskul dhe me inde të buta në pjesën e barkut dhe bëhet transplantimi anestemoza mikro-vaskulare dhe mikro-kirurgjike. Është operacion që zgjat 5 orë, varësisht nga rregullat dhe është një zgjidhje definitive ku pacientja do të ecë me thembër”, tha Kempny.

Doktor Florin Ramadani, në Spitalin Amerikan në Prishtinë, tha se ky intervenim ka qëllime humanitare dhe se ky është pa mbulesa materiale.

Dr. Ramadani: Operacioni për qëllime shëndetësore dhe humanitare:

Është fjala për një paciente të re e moshës 18 vjeçare e cila si 12 vjeçare ka pësuar një aksident të rëndë. Ky operacion, i pari në Kosovë i këtij llojit, realizohet me iniciativën e të gjithëve për t’i ardhur në ndihmë pacientes por edhe për të hedhur një hap më tejë në shëndetësinë tonë.

4 ditë pas operacionit Z.H është në gjendje shumë të mirë dhe shprehet e gëzuar që do t’i rikthehet jetës dhe ecjes normale. Në ditët në vijim ajo i është nënshtruar edhe një programi specifik post operator për rekuperimin e plotë.

Spitali Amerikan me lokacion të ri “Rr. Shkupi”, Nr 25 pranë rrethit të spitalit në Prishtinë, është gjithmonë në kërkim të perfeksionit për t’i ofruar pacientëve një trajtim mjekësor profesional.[:]

[:sq]

Më 23 Tetor 2015, Spitali Amerikan organizojë Ceremoninë e Inagurimit dhe Investimit më të ri “Spitali Amerikan Prishtinë”. Ndërtesa e re tre katëshe, e projektuar sipas të gjitha standarteve dhe teknologjisë më të fundit, dëshmon edhe njëherë seriozitetin, gatishmërinë dhe përkushtimin e këtij institucioni për t’u shërbyer me profesionalizëm pacientëve vendas dhe të huaj në Kosovë.

Spitali Amerikan, pjesë e American Hospital Assosiacion dhe investim mazhoritar i Fondit Amerikan Bedminster Capital Management, pjesë e fondeve të OPIC, operon suksesshëm prej nëntë vitesh në Shqipëri dhe prej tri vitesh në Kosovë, duke pasur gjithmonë në rend të parë shëndetin e pacientëve. Numri i madh i tyre, besimi dhe shpresa që është krijuar ndër ta, flet për reputacionin e krijuar në nëntë vite punë të ekipit të palodhur. Flet edhe për pritshmërinë dhe përgjegjësinë e lartë para së cilës gjendemi çdo ditë për të justifikuar besimin e atyre që na kanë zgjedhur.

Ky projekt ka arritur një vlerë totale investimi prej 20 milion euro, janë punësuar 330 punonjës nga të cilët 314 shtetas të Kosovës, 9 të Shqipërisë dhe 7 nga vende të tjera. Spitali Amerikan ofron të gjitha shërbimet shëndetësore gjatë 24 orëve duke përfshirë: Kardiokirurgji, Kardiologji, Kirurgji, Ortopedi, Gjinekologji me Obstetrikë, Pediatri me Neonatologji, Urologjinë, ORL, Urgjencë 24h si dhe të gjitha shërbimet mbështetëse (laborator, imazheri, patologji etj), 7 ditë në javë.

Z. Ronald Drake, Kryetari i Bedminster Capital, Grupit Investitor më të madh të Spitaleve Amerikane, mbajti fjalën hapëse përshëndetëse duke theksuar se ky spital, mjekët kryesorë, si dhe stafi janë më shumë se një vazhdimësi e rrjetit udhëheqës të spitaleve dhe qendrave shëndetësore që i ka ndërtuar Spitali Amerikan në Shqipëri. Ai do të jetë një fanar për qytetarët e Kosovës dhe do të tregojë se Spitali Amerikan është i përkushtuar që të ofrojë kujdes dhe shërbime sipas standardeve më të larta.

Të ftuar të tjerë të rëndësishëm ishin Ministri i Shëndetësisë së Kosovës Z. Imet Rrahmani, Ambasadori i SHBA-ve në Kosovë Z. Gregory Delawie si dhe personalitete të tjera diplomatike.

Spitali Amerikan ka vulosur edhe njëherë rrugën drejt qëllimit, duke e bërë kështu institucionin më të besuar dhe serioz në fushën e mjekësisë me:

– Ekspertë të certifikuar Evropianë dhe vendas në një sistem amerikan të punës

– Teknologji mjekësore diagnostike dhe terapeutike moderne, laborator biokimik dhe mikrobiologjik modern

– Diagnostikim dhe trajtim multidisiplinar që siguron shpejtësi dhe saktësi.

Spitali Amerikan vazhdonë të sigurojë suksesin në të gjithë specialitetet mjekësore që ofron për pacientët në Shqipëri dhe Kosovë. Jemi të lumtur të ndajmë me të gjithë ju, pacientë dhe miq të spitalit jo vetëm në Kosovë, por në të gjitha trevat shqiptare dhe më gjerë, suksesin e rradhës të arritur nga ekipi profesionist i mjekëve kardiokirurgë, realizimin për herë të parë në Kosovë të operacionit në zemër me metodën Off Pump.

Metoda Off Pump, që do të thotë pa e ndaluar funksionin normal të zemrës pa futjen e pacientit në aparatin (pompen) ekstrakorporale, është një metodë e cila realizohet për herë të parë në Kosovë në fushën e kirurgjisë Kardio-Torakale, pas sukseseve të njëpasnjëshme të arritura në Spitalin Amerikan në Shqipëri.

Pacienti Agim Siqeca, me profesion mjek ortoped, pas koronarografisë së kryer është diagnostikuar me angina pectoris, një sëmundje e arterieve koronare dy vazale dhe nën kujdesin intensiv dhe të vazhdueshëm nga ekipi i kardiokirurgëve në Spitalin Amerikan, i është nënshtruar ndërhyrjes kirurgjikale prej 3 Bypass-esh në arterie, nëpërmjet metodës Off Pump.

A.S tregon edhe për faktin se si ka vendosur që të operohet këtu e të mos dalë jashtë shtetit:

“Prej momentit që ndodhi një incident që e pata në Durrës, prej humbjes së vetëdijes, përfundimisht u konstatua se kam nevojë për një intervenim të tillë “bypass” të trefishtë.

I mahnitur me suksesin që pati dhe profesionalizmin e treguar nga stafi mjekësor në këtë spital, Siqeca u rekomandon të gjithëve që për këto llojë shërbimesh dhe shërbimeve të tjera që kryhen në këtë spital, t’i drejtohen pikërishtë Spitalit Amerikan.

“Sa për Kosovë mendoj që kushtet të cilat i ofron Spitali Amerikan dhe ekipi që janë këtu për të kryer intervenime, janë të nivelit aq të lartë sa që më shumë përzemërsi ua rekomandoj të gjithë

atyre që kanë nevojë për këso lloj intervenimesh që të kontaktojnë ekipin i cila punon në Spitalin Amerikan”, tha Siqeca.

Të motivuar në punën që bëjmë, të palodhur drejt misionit që i gjithë stafi ka për ta çuar shëndetësinë e Kosovës në majat më të larta në mënyrë që të gjithë të kemi një jetë më të mirë, të sigurt dhe që Spitali Amerikan në Prishtinë, shumë shpejt të kthehet në një qendër referente për të gjithë rajonin.

Spitali Amerikan është në gatishmëri të ofrimit të kujdesit shëndetësor për pacientët kosovarë shtatë 7 në javë dhe 24 orë në ditë, duke ofruar një gamë të gjerë shërbimesh shëndetësore në 20 departamente, kryesisht në fushat e Kardiologjisë Invazive, Kirurgjisë Kardio-Torakale, Kirurgjisë së Përgjithshme, Ortopedisë, Obstetrikë – Gjinekologjisë, Pediatrisë me Neonatologji, Urologjisë, ORL, Kirurgjisë Plastike, Mjekësi interne, Neurologjisë, Neurokirurgjisë, Gastroenterologji,Reumatologjisë, Nefrologjisë, Onkologjisë dhe Urgjencë 24h.

Spitali Amerikan, bashkë përqafojmë jetën!