[:sq] 

Burim Iseni 44 vjeçar, para një javë nuk mund të ecte për shkak të bllokimit të arteriave iliakale në të dy këmbët. Pacienti kishte kërkuar ndihmë shëndetësore në shumë klinika të vendeve fqinje të Kosovës, madje për shërim kishte shkuar edhe ne Zvicër ku dhe ishte operuar dy here, por fatkeqësisht pa sukses.

Pacienti kishte një komplikim shumë të madh të artereve iliakale dhe të këmbëve në të dyja anët. Pacienti Iseni në kliniken e Kirurgjisë Vaskulare të Spitalit Amerikan është pranuar me një gangrenë të këmbës së majtë dhe më një ishemi të plotë të të dyja këmbëve. Është një rast mjaftë i rëndë dhe operacioni është i përmasave të vështira, mirëpo ky operacion ka rezultuar shumë i suksesshëm. Ndërhyrja kirurgjikale është realizuar nga Dr.Dr.Halil Krasniqit dhe Dr. Elmi Ollurit të dy Kirurg Vaskular në Spitalin Amerikan.

Dr.Krasniqi thotë se operimi edhe pse ishte mjaftë i vështirë, ai ka arritur që me sukses ta kryej operimin pasi që ai e konsideron si mëkat të madh nëse një personi 44 vjeçar do të duhet të ju amputoheshin të dy këmbët.

“Operimi ka zgjatur dy orë dhe tani pas tri ditëve të operimit qarkullimi i gjakut në të dy këmbët është shumë i mirë, gjithashtu të dy këmbët kanë arritur ngrohtësinë e duhur. Për ne si mjek dhe si Spital Amerikan një gjë e tillë është shumë e rëndësishme”, thotë Dr.Dr. Halil Krasniqi- Kirurg Vaskular në Spitalin Amerikan.

Ndërsa pacienti Burim Iseni pas operimit shprehet shumë i lumtur për faktin që shërimin e gjeti pikërisht në Kosovë.

“Pas disa operimeve të cilat i kam pasur në Sistina në Shkup dhe në Zvicër, të cilat nuk më kanë ofruar shërim, tani që kam ardhur në Spitalin Amerikan në Kosovë dhe operimi im pati shumë sukses ndihem shumë mirë, tashmë kam filluar të eci dhe pa problem, këmbët i kam të ngrohta dhe gjaku më qarkullon normalisht. Për këtë falënderoj Dr.Dr. Halil Krasniqin dhe Dr. Elmi Ollurin si dhe tërë ekipin e Spitalit Amerikan”, shprehet pacienti Burim Iseni.

Ai gjithashtu u bënë thirrje të gjithë pacientëve që të mos vizitojnë spitalet e shteteve të tjera pasi që në Kosovë dhe pikërisht në Spitalin Amerikan gjenden mjeket specialist të kualifikuar për cdo problem shëndetësor dhe të mos mundohen për të vizituar klinika të vendeve të tjera.

[:sq]Monitorimi i vazhdueshëm i glukozës për pacientët diabetik-CGM Profesional

Spitali Amerikan edhe njëherë tregon se është një hap para kundrejt institucioneve të tjera shëndetësore jo vetëm në vend por edhe në rajon e më gjerë. Stafi mjekësor dhe manaxherial i këtij spitali është në punë të vazhdueshme për të ofruar tek pacientët shërbimin më profesional mjekësor mbështetur fort nga teknologjia më e avancuar.

Në Spitalin Amerikan në Prishtinë, për herë të parë në Kosovë dhe Shqipëri ka filluar aplikimi i iPro2 Professional CGM ose monitorimi profesional i vazhdueshëm i glikemisë.

Kjo paisje mjekësore është e dizajnuar në atë mënyrë që pacientët diabetik të sigurojnë informacione të vazhdueshme për nivelin e glikemisë gjatë 24 orëve për një periudhe 6-7 ditore me një saktësi 98.9%.

Pas marrjes së informacioneve nga kjo paisje mjekja Endokrinologe-Diabetologe në Spitalin Ameirkan Ass.Dr.Sci. Merita Emini Sadiku, jep rekomandime të sakta të ndryshimit të terapisë qoftë tabletare ose me insulinë, dietës dhe aktivitetit fizik në mënyrë adekuate duke ndikuar kështu në përmirësimin e kontrollit më të mirë të glikemisë dhe parandalimit të komplikimeve.

iPro2 Professional CGM punon në këtë mënyrë:

* Pajisja pas vendosjes tek pacienti mund të qëndroj për 6-7 ditë duke bërë matje çdo 5 minuta të glikemisë nëpërmjet sensorit.

* Pas heqjes së aparatit, me një sistem transmetimi të dhënat barten në kompjuter duke treguar profilin e glikemisë në formë analitike në raport me ushqimin, aktivitetin fizik dhe mjekimin.

Cilët pacientë mund të përfitojnë nga CGM Profesional?

Kandidatë për këtë paisje janë pacientët me Diabet tip 1 ose tip 2 ( të moshave të ndryshme) të cilët:

* Nuk mund të arrijnë targetin e HbA1c <6.5

* Kanë hipoglikemi

* Besojnë që po i përjetojnë efektet e hipoglikemisë të cilën nuk mund ta evidentojnë

* Kanë ndërruar terrapinë diabetike

* Kanë ndryshuar dietën dhe aktivitetin fizik

Gjithashtu kjo paisje është mjaft e rëndësishme edhe për:

* Gratë shtatzëna me diabet tip 1, shtatzënat me diabet tip 2 si dhe ato të cilat janë me diabet gestacional dhe kanë nevojë të trajtohen me insulin.

Pacientët duhet të udhëzohet si të mbajnë shënime për marrjen e ushqimeve kryesore, mes-ushqimeve, aktivitetin fizik dhe kohën e marrjes së terapisë qoftë me tableta ose me insulinë.[:]

[:sq]International Certification Association (ICA) është një organizatë private, politikisht e pavarur me seli në Zurich. Kjo organizatë merret me hulumtimin e tregut në nivel ndërkombëtar si dhe promovimin e cilësisë së produktit. Së fundmi ICA ka realizuar një anketim me qytetarët e Kosovës në lidhje më shërbimet shëndetësore të ofruara në spitalet private në vend. Përmbajtja e këtij anketimi ishte se cili nga spitalet private ofron shërbim më cilësor dhe njëkohësisht më i besueshmi për ta. Të anketuarit kishin mundësi të zgjidhnin se në cilin nga spitalet private ndiheshin më të sigurtë, cilit i besonin më shumë dhe cilin do i rekomandonin të afërmëve të tyre.

Bazuar në rezultatin e anketimit të bërë, qytetarët e Kosovës zgjedhin bindshëm Spitalin Amerikan si spitalin më të besuar dhe që ofron shërbime të standarteve më të larta.

International Certification Association (ICA) ka pajisur Spitalin Amerikan me certifikatën Top Quality Medal, QUDAL 2016/2017.

[:sq]Spitali Amerikan, mesditën e sotme ka nënshkruar marrëveshje bashkëpunimi me Federaten e Basketbolit të Kosovës. Objekt i kësaj kontrate është rregullimi i marrëdhënieve dhe sponsorizimi i aktiviteteve të FBK-së, ku Spitali Amerikan është emëruar edhe si Spitali Zyrtar i FBK-së.

Spitali Amerikan do të kryejë shërbime specialistike dhe intervenime ortopedike të të gjitha llojeve, që lindin si pasojë e aktiviteteve sportive  që ndodhin gjatë periudhës së grumbullimit, përgatitjeve të kombëtareve apo gjatë ndeshjeve zyrtare dhe miqësore, kampionate, për të gjithë basketbollistët e përfaqësueses së Kosovës, e që ofrohen në këtë spital.

Gjithashtu Spitali Amerikan do të vendos në dispozicion autoambulancën  së bashku me ekip mjekësor gjatë secilës ndeshje zyrtare apo miqësore të kombëtareve të Kosovës.

Me rastin e  nënshkrimit të kësaj marrëveshje bashkëpunimi në mes të Spitalit Amerikan dhe Federatës së Basketbollit të Kosovës, Novrus Caushaj, Drejtor Ekzektiv i Spitalit Amerikan në Kosovë tha se dëshiron nga zemra që kjo kontratë të sjellë vetëm mbarësi për FBK-në, ai gjithashtu urojë që të mos ketë lëndime sepse në fund të fundit do të thotë paraqitje më pakë për përfaqësusen tonë, por sido që të vijnë punët ai tha se Spitali Amerikan është i gatshëm 24 orë t’i shërbej jo vetëm sportistëve të përfaqësuses së basketbollit por të gjithë sportistëve të Kosovës.

“Është kënaqësi për mua që të jem pjesë e nënshkrimit të marrëveshjës me Federatën e Basketbollit të Kosovës dhe të jemi sponsor syrtarë i kombëtarës së basketbollit duke ditur shumë mirë që basketbolli është një ndër sportet më të dashura dhe më popullorë në Kosovë dhe nga ana tjetër duke vazhduar politikën e Spitalit Amerikan, që jo vetëm spital, por dhe mbështetje në arsim apo edhe në sport. Ne me kënaqësi nënshkruajmë sot një kontratë bashkëpunimi me Federatën e Basketbollit të Kosovës, është vërtetë kënaqësi që të jesh pjesë e kësaj marrëveshje, nga ana tjetër Spitali Amerikan nominohet spitali zyrtarë i përfaqësusesë së basketbollit të Kosovës ky është edhe një nder për ne”, tha Novrus Caushaj, Drejtor Ekzektiv i Spitalit Amerikan.

Ndërsa nga ana tjetër Erolld Belegu, Drejtor Gjeneral i FBK-së, e falenderoj shumë Dr.Caushaj i cili përfaqëson Spitalin Amerikan, duke theksuar se arritja e kësaj marrëveshje ka qenë jashtëzakonishtë e lehtë dhe e shpejtë, por sipas tijë më shumë kohë ju ka marrë derisa janë bërë bashkë të dy palët për zyrtarizimin e kësaj marrëveshje.

“Në Spitalin Amerikan do të bëhet trajtimi shëndetësor i të gjithë basketbollistëve të të gjithavë përfaqsueseve gjatë përiudhës së zgjatjes së kësaj kontrate.  Në këtë marrëveshje kemi paraparë dy gjëra bazike, ku e para janë kontrollet bazike që janë të domosdoshme për përgatitjen e të gjithë basketbollistëve që do të thotë të gjithë përfaqësuesëve të kombëtarës së basketbollit të Kosovës ju është e domosdoshme dhe njëkohësishtë në fazën e dytë përfshihet ajo se nëse do të kemi ndonjë rastë të ndonjë lëndimi serioz apo të cilësdo natyrë, Spitali Amerikan do t’i ofrojë falas për të gjithë përfaqësuesit”, tha në fund Erolld Belegu, Drejtor Gjeneral i FBK-së.

Kujtojmë që marrëveshjet e tilla në mes të Spitalit Amerikan dhe përfaqësuesve të sportit të Kosovës nuk janë të pakta, rikujtojmë që ky spital ka nënshkruar edhe një marrëveshje me Federatën e Xhudos në Kosovë për trajtime mjekësore falas për të gjithë xhudistët deri në përfundim të lojërave olimpike Rio 2016.

Spitali Amerikan, përqafoje jetën!

[:sq]Spitali Amerikan institucioni privat shëndetësorë më i madh në Kosovë është gjithmonë në punë të vazhdueshme për të ofruar shërbim cilësor të gjithë pacientëve, duke fituar kështu edhe besimin e atyre pacientave që deri pak kohë më parë detyroheshin të udhëtnin drejt Shkupit apo Beogradit për trajtime mjekësore. Kjo falë profesionalizmit të mjekëve por edhe investimit të vazhdueshëm që Spitali Amerikan bën në fushën e teknologjisë duke i ofruar stafit mjekësor aparaturat më të fundit të trajtimit.

Së fundmi Spitali Amerikan ka siguruar për Departamentin e Kirurgjisë Vaskulare, aparaturën e Radiofrekuencës Bipolare, të parin në vend që do i shërbejë pacientëve me probleme të venave.

Kjo aparaturë bashkëkohore për  trajtim të  venave  varikoze ofron trajtim endovaskulare  të patologjive  venoze. Më  këtë   procedurë endovaskulare me anë të Radiofrequencës  Bipolare, kuptojmë trajtim të  venave  varikoze  (operacion) pa  prerje, pra me Rreze Radiofrequente. Ndërhyrja  është pa dhënje të 1/2 e litrit të tretjes  në  këmbën e pacientit, që deri më tani  ishte me teknikën e vjetër me aparaturën që posedojnë spitalet e tjera në rajon dhe  Kosovë.

Me anë të Radiofrequencës  Bipolare, nuk ka nevojë  të injektohet tretje  e tillë dhe si rezultat  ndërhyrja  kryhet  pa  dhimbje dhe pa koplikacione apo thënë më saktë  komplikacionet  janë  minimale  krahasuar  me  ndërhyrjet  e  deritashme.
Procedura  me  këtë  aperaturë  është e gjitha  endovaskulare , me  një  shpurje të   zogu i këmbës nga mbrenda dhe dhënjenë e një medikamenti pas veprimit terapeutik në venat varikoze,  të venës së jashtme. Mobilizimi i pacientit është i  shpejtë me vendosjen  e  çorapes kompresive (elastike)  pas operacionit, aftësia  për  punë e pacientit të cilit i është realizuar ndërhyrja me këtë aparatur është  pas  24 orëve.
Ajo që vlenë të cekët është se përseritja  apo dalja e venave, pas kësaj  ndërhyrje  janë  minimale apo e pa mundur si edhe më e rëndësishmja mundëson trajtim të venave në cdo stinë të vitit.
Paisja  si e tillë  nuk  shkaton  efekte  anësore  as për pacientin e as për përsonelin që punon  me të.

Kirurgët Vaskular të Spitalit Amerikan, për aparaturën – Radiofrequence  Bipolare, thonë se është aparatura më bashkëkohore dhe më e duhura për trajtimin e problemeve të venave të sëmura, këtë aparatur të vetmën në Kosovë dhe rajonë e posedon vetëm Spitali Amerikan.

[:sq]

Me një përvojë prej 18 vjetësh, me 13 mijë operacione të kryera, doktori kosovar Halil Krasniqi po shpëton jetët e pacientëve me sëmundje vaskulare në Gjermani.

Djaloshi nga Peja që në moshën tetëvjeçare ëndërronte të bëhej human, andaj zgjodhi profesionin e mjekut dhe arriti që në një shtet të huaj si Gjermania të vendoset në pozicionin e shefit të një klinike me 36 krevate dhe 26 bashkëpunëtorë, për shkak të aftësisë profesionale të tij, ku edhe i është besuar kjo kompetencë.

Në dy spitale, ku ka qenë shef i kirurgjisë vaskulare në Gjermani, ka qenë i vetmi i huaj me shtetësi gjermane. Ai tani është shef i kirurgjisë vaskulare në Klinikën Universitare në Haidelbergut të Gjermanisë si dhe ligjërues i kirurgjisë vaskulare dhe anatomisë në këtë universitet. Por, Krasniqi ka vendosur që humanizmin dhe profesionalizmin e tij ta vërë në shërbim edhe të bashkëkombësve të tij.

Para dy ditësh në Spitalin Amerikan janë operuar pesë veta, dy të shtrirë dhe tre mund të shkojnë në shtëpi tani. Ata janë operuar nga mjeku me renome ndërkombëtare Krasniqi, i cili tashmë kryen të gjitha operacionet vaskulare, ato venoze, arteriale dhe limfatike.

Krasniqi tregon sesi që fëmijë kishte vendosur të merrej me këtë mision human dhe i ishte përkushtuar studimeve dhe specializimeve.

“Kam lindur human dhe një humanizëm në atë kohë në moshën tetëvjeçare bazohej vetëm në mjekësi, kjo ishte ideja dhe ajo çka kam arritur tash. Në një shtet të huaj po të kesh një pozicion udhëheqës i një klinike apo shef me 36 krevate dhe 26 bashkëpunëtorë duhet të kesh aftësi dhe kompetenca tre apo katërfish më shumë sesa një gjerman”, thotë ai derisa tregon se ishte i vetmi i huaj si shef në këto klinika.

 Nuk pranohet në Prishtinë, shkon në Gjermani

Krasniqi thotë se në shtetet evropiane është kultura e tillë, niveli akademik dhe shkencor “që nëse posedon kompetencën, aftësinë dhe kualifikimet nuk të pengon asgjë të arrish edhe nivelin më të lartë. Krasniqi thotë se ky është ndryshimi i madh me kulturën e Ballkanit, ku mungon një disiplinë vetjake dhe kulturë. Doktor Krasniqi kërkon që dhe në Kosovë të ketë respekt të aftësisë dhe kompetencës.

Ka kryer shkollën fillore në Pejë, të mesmen në Pejë me të gjitha pesa, pra nota maksimale për shkollim, si dhe shkollën e mjekësisë në Mitrovicë, por nuk arrin të pranohet në Prishtinë.

Vazhdon në 1989 në Universitetin e Dusseldorfit, ku studion mjekësi humane dhe specializon në kirurgjinë e përgjithshme dhe vaskulare dhe pastaj superspecializimi endovaskular dhe specialist kirurg. Pastaj intervencionalist. Ai thotë se e kishte pikë që të kontribuonte në vendin e tij, çfarëdolloj kushtesh, në sferën e mjekësisë në Kosovë ku dhe ka lindur. Tani pothuajse është rregullisht në Prishtinë.

Ai thotë se në Kosovë nuk ka kushte për t’i kryer të gjitha operacionet sepse nuk ka kushte në organe tjera shëndetësore, por ai i kryen në Spital Amerikan, ku thotë se ka kushtet për ta ushtruar profesionin e tij.

“Vij gati 12 muaj rregullisht në Prishtinë. Një kohë kam operuar në spitalin tjetër, tash në Spitalin Amerikan, këtu janë pothuajse të gjitha kushtet për të ushtruar aktivitetin tim vaskular…”, thotë ai. Krasniqi thotë se kërkesat janë më të mëdha.

“Amputacioni është më i vogël këtu më Spitalin Amerikan, pra po i shpëton nga amputimi pacientët”. Dhe ai porosit pacientin kosovar që duhet me kohë të paraqitet në spital sepse shkojnë shumë vonë tek mjeku dhe në mungesë të aparaturës dhe të teknikës mjekimi zgjat derisa të bëhet operacioni dhe po të ndodhë me kohë 90 për qind do të mundë t’i shpëtonin amputacionit. Krasniqi përmend disa sëmundje që janë problematika më e madhe në Kosovë që shpie tek amputacioni.

79-vjeçarja e operuar, në gjendje të mirë

Ai viziton pacientët dhe verifikon gjendjen e tyre pas operimit. Operacioni i kryer para dy ditësh, sipas doktor Krasniqit, ishte i rrezikuar për amputim, pacientja ishte 79-vjeçare, por falë këtij operacioni këmba e saj i shpëtoi amputimit.

Ai me një dopler, siç quan aparatin në gjuhën mjekësore, identifikon pulset të cilat dëgjohen pas operimit e që para operimit nuk dëgjoheshin në këmbët e pacientes.

Ai thotë se personaliteti i tij dhe ekspertiza mund të qëndrojnë në dispozicion të atyre që kanë nevojë për një gjë të tillë.

“Me përvojën 18-vjeçare jam në gjendje t’u ofroj edhe institucioneve shtetërore dhe private dhe gjithë kolegëve të mi trajnim dhe mësim të të gjitha proceduarve operative, çdo institucion apo person që kërkon nga ana ime jam i gatshëm t’ua ofroj. Operacionet vaskulare nuk mund të kryhen vetëm aty ku ka kushte”.

Doktor Krasniqi para pak kohësh ka kryer një operim tek një rast i rëndë në Kosovë me rrugturë të mbyllur të aortës rreth 7 centimetra, ku kishte ardhur nga Shtutgardi pasi ishte ftuar nga një mjek në Spitalin Turk me kërkesën “nëse vjen ia shpëtojmë jetën”.

Ai thotë se kjo punë kërkon sakrificë të jetës tënde për pacientët. Në Gjermani ndodh shpeshherë që mjekët gjermanë dhe të tjerë u shpëtojnë jetën shqiptarëve. Por, Krasniqi është mjeku shqiptar që ka bërë ndërhyrjen e suksesshme kirurgjike, e cila është kurorëzuar me shpëtimin e jetës së një gjermani të moshuar. Pacienti pas operimit shkoi dhe kremtoi krishtlindjet.

http://zeri.info/aktuale/91041/mjeku-nga-kosova-qe-beri-13-mije-operacione-ne-gjermani-video/[:]

25 vjeçarit nga Kosova i rikthehet buzëqeshja dhe shëndeti

Stafi i mjekëve kardiokirurgë në Spitalin Amerikan ka realizuar me sukses ndërhyrjen e veçantë kirurgjikale Riparim i Pectus excavatum, nëpërmjet Nuss procedure, për herë të parë në Shqipëri dhe Kosovë; e cila realizua në një pacient 25 vjeçar.

Ardian Maraj, pacienti 25 vjeçar i është nënshtruar kirurgjisë së specializuar në Spitalin Amerikan, pasi prej vitesh vuante nga sëmundja e diagnostikuar si Pectus Excavatum, sëmundje që manifestohet me dhimbje të vazhdueshme të kraharorit dhe vështirësi të theksuara në frymëmarrje.

Procedura Nuss konsiston në riparimin e defekteve torakale me ndërhyrje mini-invazive dhe me kamer. Kjo teknikë konsiston, e në vendosjen e shufrave metalike në zonën e kraharorit me ndihmën e një kamerë cila lejon dhe krijon akses për të riparuar në zonën e dëmtuar.

Kjo ndërhyrje specifike është realizuar nga kontributi dhe mbështetja e Ministrisë së Shëndetësisë së Kosovës dhe donacionet që kanë ardhur nga qytetarët kosovarë të sensibilizuar dhe njohur me rastin i cili u bë publik pak kohë më parë në media dhe rrjetet sociale.

[:sq]Spitali Amerikan në Prishtinë shumë shpesh po e tregon dhe anën humane përveç asaj profesionale që tashmë e ka të dëshmuar ndër vite, ani pse dukuria e humanizimit nuk është shumë prezente në spitalet private në Kosovë.

Pacienti i radhës që shërimin shëndetësor e mori në Spitalin Amerikan dhe atë pa paguar asnjë qindarkë, është Kastriot Mehmeti, futbollisti 19 vjeç i Klubit Futbollistik (KF) “Drenica”.

Kastrioti pas operimit të gjurit ku ju bë rikuperimi i ligamentit të gjurit, që si pasoj e këtij lëndimi nuk kishte pasur mundësi të vazhdonte karriejern e tij të një futbollisti, tashmë ka lëshuar Spitalin Amerikan në gjëndje shumë të mirë shëndetësore ku ju ka bashkuar familjesë dhe miqve, dhe pas gjashtë muajsh Kastrioti do të jetë prezentë edhe në fushën e gjelbër të futbollit, i shëruar plotësisht dhe pa asnjë pengesë.

Kastrioti dhe tërë familja Mehmeti nga Skenderai, falenderojnë Spitalin Amerikan për mundësin e dhënë duke e quajtur këtë si një ëndërr e cila tashmë është bërë realitet.

“Familja ime nuk do të kishte mundësi të më paguante 5-6 mijë euro për operim sepse i dimë kushtet çfarë janë në Kosovë. Familja ime mbahet vetëm nga të ardhurat e mia si futbollist në Superligën e Kosovës. Jemi gjashtë anëtarë në familje dhe askush nga familja nuk punon. Ky spital më dha mundësinë që të vazhdoj ëndrrën time, të jem futbollist dhe në liga tjera. Falë Spitalit Amerikan do të kthehem më i fortë në Superlig të Kosovës”, thotë më shumë gëzim Kastrioti.

Doktor Florin Ramadani, Ortoped-Traumatolg dhe njëherit shef i Repartit të Ortopedisë, i cili kreu operimin e Kastriotit, thotë se Kastrioti do t’i kthehet futbollit në gjendjen shumë të mirë shëndetësore.

“Një rast ekstrem i rëndë, lëndim i ligamentit kryesor që stabilizon gjurin. Operacioni ka kaluar shumë me sukses meqë këtë lloj të operacionit e bëjmë shumë shpesh në Austri, bëjmë me mijëra të tilla operacione. Dhe tani në Kosovë kemi arritur të bëjmë të tilla operacione në numër shumë të madh. Krahas detajeve teknike që janë delikate dhe të rënda, për mua dhe stafin tim këtu është një intervenim rutinor, ka zgjatur 30 minuta. Në institucione që nuk kanë përvojë zgjasin me orë të tëra, por ne këtu shumë mirë e kaluam”, thotë ai.

Tani sipas Doktor Florinit, pacienti është në gjëndje shumë të mirë dhe gjithçka ka shkuar shkuar për mrekulli.

“Gjithçka ka shkuar shumë mirë, si gjatë operacionit dhe pas tij. Gjendja shëndetësore e Kastriotit është shumë e mirë dhe pas gjashtë muajsh ai do të mund të ju bashkohet ekipit të tij të futbollit”, thotë Dr.Florin Ramadani.

Spitali Amerikan gjithmonë ka qenë, është dhe do të vazhdojë të jetë një ndihmë më shumë për pacientët në nevojë.

Në muajt e parë të hapjes së Spitalit Amerikan në Prishtinë, në gusht të 2012-s është bërë marrëveshja me Komunën e Mitrovicës për trajtimin falas për banorët e veriut të Mitrovicës në Spitalin Amerikan në Prishtinë dhe Tiranë, vlera e trajtimeve bazuar në këtë marrëveshje ka kapur shifrën e 160.000 eurove.

Për t’iu ardhur në ndihmë personave me aftësi të kufizuar Spitali Amerikan në bashkëpunim me organizatën “Hendikos” ka vendosur që fëmijët të kryejnë kontrolle falas.

Në Spitalin Amerikan, konkretisht në Repartin e Ortopedisë – Traumatologjisë janë trajtuar falas edhe sportistet e xhudos ku përmendim kampionen e botës, Majlinda Kelmendi. Ky spital ka nënshkruar edhe një marrëveshje me Federatën e Xhudos në Kosovë për trajtime mjekësore falas për të gjithë xhudistët deri në përfundim të lojërave olimpike Rio 2016.

Në muajin prill të këtij viti, në Spitalin Amerikan është trajtuar falas edhe një pacient nga Prizreni që jetonte në kushte të vështira ekonomike.

Ndër të shumtë njerëz që ky spital iu ofroi shërbim shëndetësor ishte edhe nipi i Komandantit Legjendar, Adem Jashari.

Pasardhësi i familjes së lavdishme të Kosovës pas një lëndimi të komplikuar në këmbën e majtë që kërkonte ekspertizë të thellë, familjarët e tij e kishin sjellë në Spitalin Amerikan, ku mori trajtimin e duhur.

Në Spitalin Amerikan në Prishtinë me sukses kanë kaluar mbi tetë operacione falas për pacientët me gjendje jo të mirë ekonomike.

[:sq]

http://zeri.info/zeri-web-tv/89196/spitali-amerikan-operon-falas-futbollistin/[:]